FIFI: Santissimi Vito, Modesto e Crescenzia, Riri mia, ‘sta storia xe diventà come un disco roto e noi che se ripetemo. Ma coss’ ti vol, anche le storie le xe sempre precise identiche. ‘Sti ministri croati che casca zo come le mudande co’ghe s’ciopa el lastico. El Plenković el cambia più ministri che mudande: ciòp! El lastico che salta e salta via un altro ministro per coruzion. ’Sta volta ghe xe tocado al ispetor general Andrija Mikulić, propio quel che devi star atento ai schei.
RIRI: Ma no ti vedi che xe una moda mondiale? Anche el Zelensky, co’ la Ucraina che brusa, se trova intorno i fedelissimi che zerca de far schei sotto el tavolo! Qua se neta ministri e fedelissimi ma cambia poco. Come ’na pulizia de primavera che no finissi mai, anche perché no’ bisognassi far zerti lavori de pulizia co’ le mani tacaizze. Ti ti neti e el sporco ti te lo trovi da una altra parte.
FIFI: E intanto qua a Fiume, inveze de netar, giustar, se incasina tuto. Col Black Friday — ’n’altra americanada che gavemo importà solo per restar senza tacuin — i negozieti dei quartieri se squaia come la neve sul Montemagior. La finanza ghe respira sul còlo, i li obliga serar, e tuto se sposta fora cità, nei centri commerciali. Se ti xe vecio, malà o senza macchina…ti pol saludar el mondo, ti resti a casa a contar le striche del plafon.
RIRI: Ma per una volta, na bona notizia: Radio Fiume, la redazion taliana, la ga tirado su un programa novo che va in onda de domenica dopopranzo. Xe squasi un miracolo de San Vito! Bravi el Gianfranco Miksa e la Selina Sciucca che i ga tirado le orecie a chi serviva e i ga fato entrar ’sto spazio a Radio Fiume.
FIFI: Oh, guarda là! Par proprio che la fortuna ne scolti: passa la Selina sul Corso, tuta bela, tuta fresca come un fior, col premio novo de l’Istituto Italiano de Cultura che la ga ciapado per quel che la ga fato per la promozion de la lingua e de la cultura italiana e el suo podcast su la storia de la Redazion Taliana de Radio Fiume!
FIFI & RIRI: Selinaaaa! Brava mula! Complimenti! Ma come gavé fato, spiega un poco, a farve dar ’sto spazio in talian la domenica su Radio Rijeka?
SELINA: Eh, care mie, dai e dai, come el martel sul porfido, prima o dopo anca el capo se ga smolà. Un poco ga contà el premio, un poco el incontro tra la Meloni e el Plenković…
FIFI: Co’ Radin che rideva contento come un muleto che ga ciapado in regalo un trenin eletrico…
SELINA: El Gianfranco che no’ molava e el ghe secava i bisi ai capi. Ma disemo, la coperta resta curta: se ti zuchi de una parte ti te copri la testa, ma ti scoversi le gambe. El minutagio no cambia: i giornali radio xe diventà più curti ma… hop! Xe comparsa ’sta domenica de aprofondimento.
RIRI: Alora xe vera la storia: quando i te tira via da una parte, dela altra ghe salta fora qualcossa, magari anche qualcossa de bel.
FIFI: Me par come le mudande del governo: salta un lastico, e se salva le aparenze…ma almeno la domenica se la gavemo tuti guadagnada!
SELINA: Eh sì, fioi, qua semo: tira, mola, struca, domanda, insisti…mi per sicureza ‘desso vado in quel unico negozieto che xe rimasto sul Corso che vendi roba per cusir e me compro un bel lastico novo.
RIRI: Brava Selina, tien duro, perché qua se no ti insisti, no i te dà gnente, gnanca la bora.
FIFI: E ricordite: ogni tanto vien trovarne su da noi sula Tore, che te femo un cafè lungo come le spiegazioni del Ministero riguardo el restauro del Arco Roman.
RIRI: Jesus i Maria!
Negli episodi precedenti:
La scartaza: mi la bandana no’ la voio no!
La scartaza: Fifi e Riri e el mito del sacrifizio per el ben comun
La scartaza: Chi marcia per la Libertà e chi marcia per la Vita
FIFI & RIRI: La vera richeza xe una grande colada de zimento / Pravo bogatstvo je u betonu koji teče
LA SCARTAZA – Ministri, gaće i nedjelja na Radio Rijeci
FIFI: Sveti Vito, Modeste i Krescencije, Riri moja, ova priča je postala kao pokvarena ploča – stalno se ponavljamo. Ali što ćeš, i priče se ponavljaju uvijek iste. Ti hrvatski ministri padaju kao gaće kad im pukne lastik. Plenković mijenja ministre češće nego gaće: čop! pukne lastik i ode još jedan ministar zbog korupcije. Ovaj put došao je red na Mikulića, državnog inspektora… baš onoga koji pazi na novac!
RIRI: Ma zar ne vidiš da je to svjetski trend? Čak i Zelenski, dok Ukrajina gori, oko sebe ima vjernike koji pokušavaju zgrnuti lovu ispod stola! Čisti se ministre i vjernike, ali malo se toga mijenja. To ti je kao proljetno čišćenje koje nikad ne završava — i još k tome ne bi trebalo raditi neke poslove čišćenja prljavim rukama. Čistiš, a prljavština ti ispliva negdje drugdje.
FIFI: A u Rijeci, umjesto da se čisti i popravlja — sve se više zapetljava. S tim Black Fridayom — još jedna američka moda koju smo uvezli samo da ostanemo bez novčanika — kvartovski dućani se tope kao snijeg na Učki. Financije im pušu za vratom, tjeraju ih da zatvore, a sve se seli iz grada, u trgovačke centre. Ako si star, bolestan ili bez auta… možeš se pozdraviti sa svijetom, ostaješ doma gledati u plafon.
RIRI: Ipak jedna — dobra vijest! Radio Rijeka, talijanska redakcija, pokrenula je novu emisiju koja ide nedjeljom popodne. To je skoro čudo svetog Vida! Bravo Gianfrancu Miksi i Selini Sciucci, koji su povukli gdje treba i izborili taj termin na Radio Rijeci.
FIFI: A vidi je! Evo Seline na Korzu, sva lijepa i svježa kao cvijet, s novom nagradom Talijanskog instituta za kulturu za sve što radi za promociju talijanskog jezika i kulture, i za svoj podcast o povijesti Talijanske redakcije Radio Rijeke!
FIFI & RIRI: Selinaaa! Bravo, cura! Čestitamo! Ali reci, kako ste uspjeli izboriti taj termin na talijanskom nedjeljom na Radio Rijeci?
SELINA: Eh, moje drage, malo po malo, kao čekić o porfir — prije ili kasnije i šef popusti. Malo je pomogla nagrada, malo susret Meloni i Plenkovića…
FIFI: A Radin sav sretan, kao mali kojem su poklonili električni vlakić…
SELINA: Gianfranco nije odustajao i stalno je pritiskao šefove. Ali da se razumijemo, pokrivač je kratak: ako povučeš na jednu stranu da pokriješ glavu, otkriješ noge. Minutaža je ostala ista: radio dnevnici su postali kraći, ali… hop! pojavila se ta nedjeljna emisija za dublje teme.
RIRI: Pa istina je – kad ti nešto uzmu na jednoj strani, na drugoj se pojavi nešto novo, ponekad čak i nešto dobro.
FIFI: Kao s vladinim gaćama: pukne lastik, ali se barem spašava privid pristojnosti… a barem smo nedjelju svi zajedno dobili!
SELINA: E da, dragi moji, tako vam to ide: vuci, guri, traži, inzistiraj… ja za svaki slučaj idem u jedinu preostalu trgovinu na Korzu koja prodaje šivaći pribor i kupujem si novi lastik.
RIRI: Bravo Selina, drži se! Jer ovdje, ako ne inzistiraš, ne daju ti ništa — ni buru.
FIFI: I zapamti: navrati nas ponekad posjetiti na Uri, dat ćemo ti kavu dugu kao objašnjenja Ministarstva o obnovi Rimskog luka.
RIRI: Isuse i Marijo!
U prošlim nastavcima:
La scartaza: mi la bandana no’ la voio no!
La scartaza: Fifi e Riri e el mito del sacrifizio per el ben comun
La scartaza: Chi marcia per la Libertà e chi marcia per la Vita
FIFI & RIRI: La vera richeza xe una grande colada de zimento / Pravo bogatstvo je u betonu koji teče
