Va Kraljevici će se i ovo leto, točnije 30. lipnja, održat letnji karneval. Maškarane grupe će se okupljat od 8 ur večer na parkiralištu kraj Doma sportova, od kuda će na 9 ur večer krenut maškarana povorka prema Rivi kadi će zabava uz grupu Koktelsi i bogatu ugostiteljsku ponudu potrajat do ranoga jutra. Kod i prošlo leto, očekujemo petstotinjak maškar z dvajsetak grup.
Taj dan će va Kraljevici bit zabavno već od jutra aš se održava tradicionalna Kraljevačka regata krstaša.
Dojdite na va Kraljevicu na regatu i na karneval, proslavite z nami 125 let maškaranja va Kraljevici i dočekajmo zajedno pol Novoga leta!
