Krepat ma ne molat, je beseda ka se va oveh krajeh, dok je ovakoveh običaji, neće zatrt. Zvončari već tradicionalno i po starinskeh običajeh obahajaju Halubje – Kastavštinu, vela i mića sela, keh je danas se manje aš su se veća. Užance treba održavat i po vremenskoj dobi bez obzira na prognozu na taj dan užancu storit. Nahodili su se i nazvonili, a bome i lepo vreme danas donesli. Velo i mićo je danas za njimi hodilo i maškaran se veselilo. Takovi su običaji i dani ti kade se Puston sudi aš za se su krivi oni. I tako njihov pust va Sveten mateju večeras po izrečenoj presude zgori, i zla više ni. Jutra je Pepelnica i maškaranen je običajen kraj. Užancu ne pozabit i mi ćemo našega pusta jutra na Pehine pošteno osudit, na kraju ga na sedan večer i zapalit. Živio Pust!!! (ž.filčić)
