Kolumne

Fifi e Riri – Odissea in tel spazio, Ano 3018(6)

Fifi e Riri – Odissea in tel spazio, Ano 3018(6)

Portal Rijeka Danas pokrenuo je kolumnu na fiumanskom jeziku ‘La scartaza’ u cilju zaštite i promocije riječkog autohtonog jezika. Projekt je potpomognut sredstvima Primorsko-goranske županije. Piše Laura Marchig, Dizajn: Ana Somek

Tuti dormimo e sognemo. Anche la Aquila a due Teste che xe da poco tornada su la Tore de Fiume, ogni tanto la sera i oci su la sua zità, la se indormenza, e la sogna. Xe sogni strambi che sogna le aquile a due steste, i special modo quele che le ga i coli giradi de la stessa parte.

E in ‘sto sogno che le sta sognando imagineve che ghe sia una musica de atmosfera de un qualche film de fantascienza tipo quele de Vangelis, plin plin plon…o se ve par, i gusti xe gusti, la più pomposa “Also sprach Zarathustra”, de Strauss, come che iera in quel famoso film de Kubrick.

Ano 3018 dell’Era tremuliana. Da el diario de bordo de le aquile virtuali de la Tore virtruale, de la zità virtuale de Fiume:

FIFI: Santissimi Vito, Modesto e Crescenzia, che remitur de gnente! (Certe espressioni no’ cambia gnanche ne el ano 3018).
RIRI: Cossa nassi testa de usel? De quando che, a causa del quel famoso meterorite che ga sconto la luse del sol, i membri de la Comunità Nazional Italiana de la Istria e de Fiume i ga deciso de congelarse in bloco, spetando che passi, e de ciaparse, armi e bagagli, mogli, fioi, sozere, cani, gati criceti e papagai e andar viver in un mondo virtual, qua de remitur no’ ghe ne gavemo!

FIFI: E proprio per questo lo go ciamà “remitur de gnente”.
RIRI: Anche ‘sto giro, dopo quatro ani, per la 250esima volta, precise precise come la morte, xe ‘rivade le elezioni vituali de la UI e de le CI. E le ga provocà un zuf, un remitur, un scion de cambiamenti che tuti se ga virtualmente meravigliado de quanto che ‘sta nostra minoranza virtual xe capaze de rinovarse, de riproporse con idee fresche, e co’ una grande partecipazion de el corpo eletoral.

FIFI: Una masnada de eletori se ga fisc’ado come un mar de saltamartini in tei segi eletoriali de tute le Comunità de i Italiani virtuali e ga votà adiritura el 17,20 % de i aventi dirito al voto.
RIRI: Aleluia! Aleluia! Aleluia!

FIFI: E sora de tuto a far sbrego xe ‘sta i eletori de la Comunità de i Italiani de Fiume. Su 3618 aventi dirito al voto, i ga votà in 262 de lori, che po’ saria a dir el 7,24 % de afluenza. Istesso, istesso come che iera 250 elezioni fa, ne el ano 2018 de la Era Tremuliana.
RIRI: Un sucesso! La sorpresa de gaver anche ‘sto ano per la 250 esima volta el candidato unico per el posto de la Unione, ga ingonfià el cor de la zente, che la ga zigà in coro “Vara, Vara!!!” E po’: tuto el mar drio de LUI!” I se ga butà tra le onde de le elezioni a votar gavendo ciaro in zuca che el loro voto el saria stà determinante per el destin de la CNI!

FIFI: El mulo Corva che ga avudo la sua vitoria virtual e el se ga trovado un aversario …
RIRI: … che in zerte Comunità el ga otegnudo più voti.

FIFI: La Svolta in zerti posti la stava a guardar, in zerti la seguiva zerte sue, ciamemole strategie ma, me vegnissi de comentar volentieri: xe pezo el tacon de el buso!
RIRI: Ma mi me ga piasso sora de tuto i PROGRAMI ELETORIALI de i due vinzitori.

FIFI: Programi assai eleboradi, complicadi, inovativi …
RIRI: …e risolutivi per far tornar la zente ne le Comunità, per aumentar i posti de lavor in te le istituzioni virtuali de la CNI, per risolver el “depauperamento della lingua e del dialetto” e el calo neto de la popolazion virtual de la CNI.

FIFI: El Candidato Unico per el posto de presidente de la Union Italiana el ga deto ne el suo programa Eletoral: “La moralità sta per tornar drento le struture de la UI. Xe question de ore e mi ve vogherò su e zo per i grebeni e sprizeremo in giro aria de democrazia che tuta ‘l Istria, Fiume, la Dalmazia, un bic’ de Slavionia e per riflesso anche zo in fondo, in tel Montenegro, se respirerà novo osigeno, novo otimismo.”
RIRI: E a ‘sto punto uno dei eletori virtuali che era vegnudi a scoltarlo el ghe ga domandà:

FIFI: “Come podemo aiutarte noi altri?”
RIRI: “Fazendote i afari tui!” El ghe ga risposto.

FIFI: “Cossa la intendi far per i disocupai de la CNI?” Ga domandado ancora el eletor virtual.
RIRI: E el Candidato Unico, subito pronto, el ghe ga risposto.: “Veramente ero mi stesso cussì ocupà a far riunioni de Giunta, che no’ ghe go proprio che pensà.” E po’ el ga sentenzià: “Basta conazionali co’ le polemiche, basta co’ ‘sti lamenti. Dovè esser contenti. La fantasia xe diventada realtà, gavemo rinunciado a le zonte, gavemo creado el candidato unico e mi go creado el Criobloco eletoral! Grazie ai progressi de la criogenetica la CNI se ga congelà e la continuerà far politica bel pulito in ‘sto stesso modo, in tela realtà virtual, per tanto e tanto tempo ancora.

FIFI: Solo che a zeti, con tuto ‘sto gelo, ghe xe vegnude le buganze, che saria come a dir i geloni, ai piedi.
RIRI: I soliti moni che no’ i se sa regolar e no’ i segui come che cambia el barometro!

FIFI: Anche el mulo Corva el ga presentà el suo programa. El ga pronuncià le parole inglesi start up e dopo el ga deto: “…svilupo de noi giovani che semo giovani, ma anche i veci ga dirito de crepar!”
RIRI: E po’?

FIFI: E po’ gnente. Giusto che no’ se prevedi grandi svolte a ‘l orizonte in ‘sto mondo virtual.
RIRI: Ma ti sa se i ne ga lassado in cambio una riceta per el futuro?

FIFI: Come riceta per el futuro i ne ga proposto la Minestra de sempi e barufanti co’ drento do coli de aquila sofigadi. Fine programa.
RIRI: Jesus i Maria!

5. Fifi & Riri e el dialeto fiuman: La difesa de el panda rosso
4. FIFI e RIRI e “El vento de el cambiamento” de le elezioni UI e CI
3. Fifi e Riri e el EPK (che po’ saria tuto un problema de usei)
2. Fifi e Riri el bilinguismo e el referendum contro le aquile che ga due teste/
1. Fifi e Riri, quele due teste de aquila

Midas

Click to add a comment

Leave a Reply

Your email address will not be published. Required fields are marked *

Kolumne

More in Kolumne

Koliko je djecu uopće briga za vašu seksualnu orijentaciju?

spNovember 26, 2018

Kuljiš: Festival uhljeba i zloslutna grmljavina s Pantovčaka

spNovember 1, 2018

KOMENTAR: Spaljeni ili liječeni

spOctober 19, 2018

Denis Kuljiš: Milijan ustaje iz mrtvih?

spOctober 19, 2018

Svi Vasini i Komadinini ljudi!

spOctober 5, 2018

Denis Kuljiš: Tko će priopćiti Vladi? Sljedeći je Brodosplit…

adminSeptember 19, 2018

KOMENTAR: Mali vs. Veliki socijalistički lopovi!

spSeptember 15, 2018

Reagiranje: Danko Končar oštro odbacuje tvrdnje iz teksta ‘Potpomognuto samoubojstvo brodogradnje’

spSeptember 14, 2018

Kruha i jogurta, daj nam danas

spSeptember 13, 2018

Copyright © 2017 Rijeka danas.